4-fjellstur Førde: Fureviksnipa - Skinnbroka - Fauskevarden - Halbrendsnipa

Bli med på 4-fjellstur (dei 4 første av 7. fjellsturen) med mektig utsyn over fjord og fjell og kanskje ser du villrein!

Turen er ca. 15 km lang og totale høgdemeter er ca. 800 moh. Det er forventa at turen vil ta ca. 6 timar inkl. pauser.

Turen startar på parkeringsplassen ved Nordheiatunnelen på fv. 609 vest for Førde. Vi startar ca. 450 moh og første fjelltopp er Fureviksnipa på 750 moh. Turen opp tar ca. 1 time. Vidare går turen i kupert terreng til Skinnbroka som ligg ca. 800 moh. Denne delen av turen tar ca. 1,5 time. Frå Skinnbroka til Fauskevarden er det 1,5 km utan særleg stigning. Fauskevarden er 853 moh. Det er flott utsikt sør- og vestover mot dei markante toppane Blægja og Storehesten. Like eins er det flott utsikt Vestover Førdefjorden.

Frå Fauskevarden går turen sørover og ned til Flotevotna som ligg 650 moh. Stien går sør om votna og austover til Halbrendsnipa. Vi stoppar og tar ei matpause ved vatnet. Halbrendsnipa ligg ca 800 moh. Frå toppen er det utsyn mot Ålfotbreen og deler av Jostedalsbreen i aust. Det er berekna 2 timar frå Fauskevarden til Halbrendsnipa. Frå Halbrendsnipa føl vi merka sti og deretter grusveg til Reset. Turen ned er forventa å ta ca. 1 time. På heile turen må ein vere obs på beitedyr og villrein og derfor overhalde bandtvang for hundar.

Turen er merka som krevjande ut frå kombinasjon av lengde og høgdemeter. Krav til deltakere: Turen krev fysisk form ut frå lengd og høgdemeter. Heile turen går på sti og det er ikkje luftige parti eller krevjande parti å ta seg fram i.

Utstyrsbehov og pakkeliste: Ta med skiftekle og kle etter veirforhold (vind/regn). Veiret kan skifte fort i fjellet. Ta med mat og drikke. Det er tilgang til å fylle på vatn ved Flotevotna, så ha med nok drikke fram til då.

Turstart og slutt: Sjølve turen startar på parkeringsplassen ved Nordheitunellen vest for Førde på fv. 609. Turen sluttar ved E39 på Reset. Oppmøte er på parkeringsplassen til Nortura på Reset kl. 08.30. Vi fyller opp privatbilar og køyrer til parkeringsplass ved Nordheitunellen, der sjølve turen startar kl. 09.00.

Transport Privatbilar

Turleder er Lise Mari Haugen, Astrid Sundset Moe og Mariann Svingen

#helgetur