Lodalskåpa

Lodalskåpa, eller vestlandsdronniga som den og blir kalla, er det høgste fjellet i Stryn kommune med sine 2083 moh. Turen går først på god sti mot Bødalsbreen før ein tar av mot Fessene og Lodalskåpa. Opp mellom elvane vert det bratt før det flater ut igjen inn mot Brattebakken. Opp Brattebakkane er det ganske bratt, men god sti. Her vert det og ein lengre pause med mat og påfyll av vatn. Når ein kjem opp til brekanten av Bohrsbreen går vi i taulag mot Kåpa. Før ein byrja på siste etappen opp steinura mot toppen, går ein inn i eit luftig parti som heiter Hanken. Om føreforholda tilseier det må ein bruke stegjarn i dette partiet eller mot toppen. Etter ein pause på toppen blir det retur same veg og ofte kan en skli på snøfenner ned deler av brattebakkane.

Turlaget held nødvendig breutstyr som tau,sele,stegjern og isøks. Dette er en lang og krevjande tur på 20 km t/r , og vil ta 11 - 13 timar. Ein må ha fjellsko og vinterbekledning i tillegg til god form. Ettersom dette er ein lang tur i høgfjellet kan ein risikere at turen blir avlyst om ikkje været er bra nok. Deltakarane får i so fall tilbake turavgifta.

Oppmøtestad er parkeringsplassen ved Bødalsetra kl 08.00. 

Påmeldinga åpner 5. mai kl 20.00. Det kan bli veldig tidlig fult, så det er lurt å ikke somle med påmeldinga om du vil være med oss på tur.

Pris for turen er : 300 kr for medlemer i DNT og kr 900 for ikkje medlemar. Påmelding og betaling på heimesida..Ein får ei automatisk bekrefting på epost når påmeldinga er lagt inn. Påmeldinga er bindande.