På ski frå Finse til gourmetmiddag på Hallingskeid

Bli med Vaksdal Turlag på ski frå Finse til Hallingskeid. På Hallingskeid venter vår egen kokk og hans medhjelper med 3-retters gourmetmiddag! 

Laurdag 28.02: 

Turen starter frå Finse stasjon. Her fylgjer me kvista løype vestover over Finsevatnet (1215 -1212 moh) i drøye 3 km. Når Finsevatnet er bak oss dreier me nordvest og går i slak motbakke gjennom Ustekveikja opp til Ustekveikvatnet på 1261 moh og vidare opp til Fagervatnet på 1295 moh. Vidare går me i lett kupert terreng. Me går over Tågavatni (1295 moh), får ei lita oppstigning før me skrir ned til Låghellertjørni på 1232 moh. Me går vidare gjennom Låghellerbotnen, ned på Låghellervatnet (1179) og Høghellervatnet (1157) og føl Moldåni heile veien ned til Hallingskeid. Ei siste kneik opp til hytta venter, før me kan ta av oss skia og fylgje middagslukta inn i ei lun hytte. 

Turen er på i underkant av 19 km i lett kupert terreng. Me starter på rundt 1220 moh og høgaste punktet på turen ligg på rundt 1320 moh. Hytta på Hallingskeid ligg på 1100 moh. Me rekner med å bruke 5-6 timer på turen, men framdrift er avhengig av tempo i gruppa. Er det fint vær tar me lengre pauser enn om det er dårlig vær. Dersom me bruker meir enn 6 timer er det gjerne begynt å mørkne før me er framme med hytta, så ha hodelykt med ferske batteri lett tilgjengelig i sekken. 

Søndag 01.03:

Etter frukost og utvask, tar me oss ein liten skitur i nærområdet før me går til toget. 

Krav til deltakarar: 

Du må kunne bere ein sekk på 10-12 kg og gå jevnt og trutt oppover og nedover på ski med oppakning.

Oppmøtestad og transport: 

Oppmøte på Finse stasjon kl: 10.30 (eller når toget frå Bergen kjem inn). 

Det går tog frå Bergen kl: 08.08, Arna kl 08.17 og Voss kl 09.20. 

Retur frå Hallingskeid søndag kl: 12.49. 

Deltakarane må sjølv bestille billetter til toget. Då hytta på Hallinskeid ligg like ved stasjonen, vil turen bli gjennomført sjølv om været er dårlig. Plan B dersom været er for dårlig til å gå frå Finse til Hallingskeid, er å gå av toget på Hallingskeid og legge opp til ein tur der før middag. 

Mat: 

​Ta med niste til turen på laurdag. Middag laurdag og frukost søndag er inkludert i prisen. Snacks og drikke til lørdag kveld må takast med av kvar enkelt deltakar. 

Overnatting: 

Vaksdal Turlag har booka senger på hytta. Desse er på fleirmannsrom og ein må vere førebudd på å dele rom med andre deltakarar.  

Utstyr: 

Sjå pakkeliste for vinterturar her; https://www.dnt.no/turtips/turvett/artikler/pakkeliste-for-vinterturen/ 

Alle må ha fjellski med stålkantar, skifeller og skibriller. Kvar enkelt deltakar MÅ ha følgjande tryggleiksutstyr: Vindsekk, liggeunderlag, sovepose og spade. Du kan låne dette av Bergen og Hordaland turlag om du ikkje har. 

Pris inkluderer: 

Pris dekker turleiing av DNT-godkjente vinterturleiarar, tryggleiksutstyr, felles middag inkl. ein eining drikke på laurdag, samt frukost søndag. 

Turleiing: 

Turen vert leia av turleiarar som har solid turerfaring og har gjennomført DNT sin turlederkurs stige. Turleiarar er ikkje profesjonelle i den forstand at turane vert utført som frivillig dugnad og ikkje som kommersiell guide. Dei vert utført på grunnlag av gleda ved å ferdast i naturen og av å ta med andre på sine opplevingar. 

Tryggleik: 

Turane til Vaksdal Turlag blir risikovurdert av turleiarane. Til tross for gjennomført risikovurdering og risikoreduserande tiltak fins det alltid ein restrisiko ved å ferdast i norsk natur. 

Kart: 

Kart og turutstyr kan kjøpast hos Tursenteret  i Marken. Rabatterte prisar for medlemmer.  

Generelle vilkår ved påmelding: 

Les gjeldande vilkår her; https://www.dnt.no/aktiviteter/organiserte-turer/vilkar-for-turdeltakelse/ 

Ver særskilt merksam på kva som gjeld i høve avmelding.

Meld deg inn som DNT medlem her: https://www.dnt.no/medlem/ 

Turleiarar: Maren Amanda Thorkildsen og Alexandra Blomvågnes

Turleiarane tar kontakt med alle påmeldte ca. 4-7 dagar før turen.

Spørsmål? 

Ta kontakt med vaksdal.turlag@dnt.no eller på tlf. 92049856.