Rundtur til Høganhaug og Skinnarnipi

Bli med på fottur til Høganhaug og Skinnarnipi på Nessane søndag 22. juni.

Høganhaug ligg på 787 moh og byr på flott utsikt vestover Sognefjorden og innover Nessadalen og fjella som omkransar Nessane. Skinnarnipi ligg på 983 moh, på kanten mot Lånefjorden.

Frammøte kl. 10.00 ved Nessane sambrukshus. Vi følgjer skogsveg eit lite stykke før vi følgjer merka sti til Høganhaug. Etter ein kort pause på Høganhaug, fortset vi turen på delvis varda sti mot Skinnarnipi. På Skinnarnipi tek vi ein litt lengre pause, før vi returnerer i retning mot Høganhaug. Vi vel å gå om Kråkestøl på returen. Vi kjem då ned att oppe i Nessadalen. Her går vi på skogsveg/grusveg ned att til parkeringa.

Turtid: ca. 8 timarstur.

Ta med godt med mat og drikke og ekstra klede etter verforholda.

Turleiar: Anita Taftø (mobil 993 12 587) og Gunn Linde er med som kjentkvinne.