Høgabu og toppturar i Bergsdalen

Draumer du om hausttur i fjellet med overnatting på sjølvbetjent hytte? I august lokker fjellet med fine farger, framleis lyse ettermiddager og temperaturane kan vere gode. Vi går inn til Høgabu turisthytte fredags ettermiddag. Laurdag pakkar vi dagstursekk og lar vær og vind bestemme turmål men planen er å ta turen både til Småbrekkebukken, Bergsbukken og kanskje Vetlebukken og Borninolten. Søndag vert det utvask før retur til Lid, evt. via Gråfjellet.

Turbeskrivelse

Fredag: Vi køyrer frå Os Næringspark kl 16 i privatbiler til Lid i Bergsdalen, ca halvanna times køyring. Vi fordeler fellesutstyr før vi legg i veg mot Høgabu, 6 km og 500 høgdemeter. Turen tar ca 3-4 timar i roleg tempo. Framme på hytta fordeler vi oss på rom, fyrer i peis, henter vatn og lagar fellesmiddag.

Laurdag: Etter frukost og matpakkesmøring, pakkar vi sekken for dagstur. Vær, vind og gruppa bestemmer dagens turmål men det ligg mange flotte toppar i nærleiken av hytta; Småbrekkebukken, Bergsbukken, Vetlebukken og Borninolten. Vi satser på å tilbringe heile dagen ute med retur til Høgabu på ettermiddagen for felles middag.

Søndag: etter felles frukost rydder og vasker vi ut av hytta og returnerer til Lid, evt via Gråfjellet

Høgabu

Høgabu er Bergen og Hordaland si eldste turisthytte frå 1937. Hytta har 25 sengeplasser og med kun 6 km frå veg er det ei godt besøkt hytte. Hytta er sjølvbetjent, dvs at det er eit matlager som du kan handle frå. Det er Os Turlag som har tilsyn med hytta. Vi har reservert 12 sengeplassar denne helga. Det er ikkje mobildekning på hytta. 

Krav til deltakarane

Les informasjon til deltakare på organiserte DNT turar. Alle må kunne bære sekk med eget utstyr + deler av fellesutstyr. Merk at første dag er det stigning på 500 m med sekk mens dag to er sekken lettare men lang dagstur i kupert terreng og mange høgdemeter. 

Utstyr

Sjå DNT si utstyrsliste for sommarfjellet. Hugs hodelykt og lakenpose/sengetøy. Turleiarane tar med  tar med nødvendig sikkerheitsutstyr. Det vert felles middag fredag og laurdag mens den enkelte må sjølv ta med (eller kjøpe på hytta) mat til dei andre måltida. Ta gjerne med fiskestang, fiskekort kan kjøpast hos Per Småbrekke tlf. 56598968 eller av Dag Brekke, tlf. 97634681.

Mat

Det vert felles middag fredag og laurdag mens den enkelte må sjølv ta med (eller kjøpe på hytta) mat til dei andre måltida. Oppgje ved påmelding eventuelle hensyn vi må ta ved planlegging av felles måltid. Last ned appen DNT hyttebetaling i forkant av turen for betaling av proviant.

Pris inkluderer

Overnatting, transport og felles middag fredag og laurdag 

​