Rundtur over Skaget (1685 moh) - Kremtopp 2026

Turen startar frå stor parkerings-/rasteplass litt før Storeskag-stølane, og går på god, merka stig til innunder foten av fjellet.

Her tek vi av frå hovudruta, fylgjer tydeleg stig nesten forbi fjellet, og så opp til toppen frå vest (små vardar her). Litt meir spanande, hendene må brukast litt eit par stader. Toppen byr i godvêr på flott utsyn mot vidder, vatn og fjell – både nært og mot Jotunheimen og Rondane. Kikkert er kjekt å ha med, og mat/drikke samt fjellsko og godt med tøy (også vindtett).

Frå toppen fylgjer vi den merka ruta austover, den svingar ned og ut mot den karakteristiske Nasen. Undervegs utsyn mot det spanande landskapet rundt Skagstjerna, med Buatinden, Marsteinhøgda og Langsuene bak. Frå Nasen tek vi ned att til hovudstien og fylgjer den attende til bilane. 

Runden  tek 4 – 5 t inkl. matpause.  Ca. 570 m stigning. Kart: Turkart for Øystre Slidre (gult) i 1:50.000