Seniortur - Hjartestien-Kjekavatnet-Dottatjørna, Halsnøy

Etter Halsnøytunellen: Køyr i retning Sydnes, ta til venstre ved skiltet mot Fatlandsskogen og parker ved Raualøo. Her er god parkeringsplass.

Me startar på Hjartestien på grusveg og går inn på gammal skogsveg med relativ jamn stigning. Så flatar det litt ut før me går på ned mot Sinsenkrysset. Her tek me av mot Kjekavatnet på fin sti og går langs vatnet på austsida. Mot enden av vatnet dreiar me inn på rundløypa som går rundt Dottatjørna. Ved gapahuken ovom tjørna tek me lunsj. 

Etter lunsj held me fram til Kjekavatnet att og går på vestsida av vatnet på fin sti attende til parkeringsplassen.

Klassifisering: Middels tur på god sti med litt stigning i starten, elles lett kupert på fin skogssti og berg med få blaute parti. Godt tilrettelagt.

VEL MØTT, turen er open for alle, her er det ingen som spør om alder...  

OBS: Ved fullført påmelding får du stadfesta deltakinga di pr SMS og e-post. Dersom du ikkje får slik stadfesting, må du prøva påmelding på nytt. Ta kontakt med ein av turleiarane dersom du har problem med påmeldinga.

• Frammøte:   Kl. 10.00 ved Raualøo på Fatland.
• Turkarakter: MIDDELS 
• Turavgift:      Ingen 
• Turleiarar:    Anne Grethe Lindseth (906 65 103) og Helga Fossheim (918 50 257)
• Vandringa:
  • * Distanse:           7,5 km rundtur
  • * Høgdeskilnad:  60 meter
  • * Tidsbruk:           Ca. 3 timar, pausar kjem i tillegg