Sundagstur: Osaskavlen

Ein A til B tur med mektig fjordutsikt!

Gradering / vanskelegheitsgrad:

Krevjande(Rød): 800 høgdemeter, 20 km, ca. 7.5 timar.

Turomtale:

Me startar på Hallingskeid omlag kl. 10:30 og kryssar Moldåni, før me går oppover Buadalen. Me fylgjer omtrent den historiske Osavegen opp til Budalsbrotet med omlag 275 høgdemeter stigning. 

Så vert det unnabakke ned i Buaholna, før me stig nok 170 høgdemeter og går mellom Kverven og Hovden. I staden for å gå opp på Vossaskavlen som i fjor, fortset me opp på Nyrjuven som er toppen på Osaskavlen 1498 moh. 

Me skrir så ned mot Osafjorden med ei veldig utsikt før me svingar ned i Gunnulven. Det vert nå litt opp og ned, før me skrir ned i Floskefonndalen, og vidare ned til Austdalsvatnet der bussen hentar oss.

Tilbake på Voss rundt kl. 18.

Krav til deltakarar:

God fysisk form og vant med lange turar i krevjande terreng. Vant til å bere tung sekk. Gode skiferdigheiter (meistrar å stoppe og svinge ved behov).

Utstyr:

Turen er for fjellski med feller/voks (kortfeller er ei fordel). Solbriller og solkrem er naudsynt. Elles ekstra godt med klede for høgfjellet. Sekk med ekstra plass til fellesutstyr. 

Hugs på nok med drikke. Me finn ikkje vatn på turen.

Frammøte:

Voss stasjon sundag 10 mai kl. 09:20. 

Transport:

Tog frå Voss stasjon til Hallingskeid kl. 09:20. Returbuss frå Austdalsvatnet tilbake til Voss, Holdbergsplassen. 

Turleiing: 
Turen blir leia av turleiarar. Turleiarane er ikkje profesjonelle noko som betyr at turane vert gjennomført som frivillig dugnad og ikkje som kommersiell guiding. Turane vert gjennomført på grunnlag av gleda ved å ferdast i naturen, samt å ta med andre på gode opplevingar ute. 

Pris: 

Medlem: 350 kr inkludert buss og administrasjonsavgift (75 kr).

Ikkje- medlem: 500 kr inkludert buss og administrasjonsavgift (150 kr). 

Togbillettar frå Voss til Hallingskeid må kvar deltakar bestilla sjølv. 

Turleiarar: 

Arne Røen, arneroenvoss@gmail.com, 47 41 76 40

Anita Røen, 95 73 29 82 

Vel møtt til ein trygg og flott tur.