Trekanten i Breheimen med Kjentmann i Påsken

Påskeskitur i Breheimen – Eit ekte vintereventyr frå hytte til hytte

Opplev skitur frå hytte til hytte gjennom vill og storslått natur i Breheimen – eit lite besøkt fjellområde vinterstid, men eit sant vinterparadis.

Her ventar spektakulære 2000-meterstoppar, snøsikre forhold, mektige brear og ei kjensle av urørt villmark. Denne rundturen tek deg gjennom indrefileten av Breheimen og innom fleire flotte DNT-hytter som berre kan nåast på ski.

Start og mål: Sota SæterRute: Sota Sæter – Trulsbu – Nørdstedalseter – Sota Sæter

⚠️ Turen har relativt lange etappar og krevjande terreng. Det er viktig å følgje rutebeskriving og kvisting slavisk, særleg over breane.

Dag 1: Annkomst Sota Sæter kl 1800. Middag me påfyljande informasjonsmøte kl 19.00

Dag 2: Sota Sæter → Trulsbu

Avstand: 24 km

Første etappe er lang og byr på mange høgdemeter. Det går bratt opp frå hytta og vidare over Fortundalsbreen (ca. 860 høgdemeter), over sørenden av Illvatnet og vidare i høgfjellet før nedkøyring til Trulsbu (1290 moh).

Delar av etappen kan vere skredutsett – sjekk alltid skredvarselet før avreise.

Trulsbu er ei lite besøkt, sjølvbetent hytte som ligg fantastisk til, omkransa av vakre og markerte fjelltoppar.

Her lager gruppen mat i felleskap

Dag 3: Trulsbu → Nørdstedalseter

Avstand: 16 km

Ruta går sørvest opp Vesldalen, over høgfjellsparti og ned gjennom avsidesliggjande dalføre. Undervegs passerer du nødbua Medalsbu, som kan vere nedføykt og vanskeleg å finne vinterstid. Turen endar ved Nørdstedalseter (937 moh).

No er du midt inne i Breheimen. Ta gjerne ein ekstra dag her med dagstur frå hytta. Det er ei heilt spesiell, fredfull stemning på hytter som berre kan nåast på ski.

Dag 4: Nørdstedalseter → Sota Sæter

Avstand: 21 km

Å vakne på Nørdstedalseter ein vakker vintermorgon er ei oppleving i seg sjølv. Nyt frukosten med utsikt til fjell og rein snø før du følgjer kvista løype nordover mot Fortundalsbreen. Høgaste punkt på ruta ligg kring 1 590 moh, midt på breen, med utsyn mot mektige Tverrådalskyrkja (2 089 moh).

Frå breen ventar ein nesten samanhengande lang nedkøyring tilbake til Sota Sæter – ofte eit av dei store høgdepunkta på turen når snøforholda er gode.

🍽️ Den perfekte avslutning.

 Her ventar varm atmosfære, solid fjellmat og ekte påskestemning.

✨ Trekanten i Breheimen i påskaKrevjande. Storslått. Uforgløymeleg.

Eit ekte norsk skieventyr – langt frå alpinanlegg og folkemengder.

Pakkeliste for vinterturen i fjellet