Vårtur der ingen skulle tru - Finden og Finnabotn

Nordhordland Turlag inviterar til tur til Finden og Finnabotn siste helga i april. Våren i Finnafjorden er spesiell vakker med brytning og liv til ei ny årstid.

Vi er heldige og får husly på Finden gard hjå Laila og Lars Finden. Her skal vi bu og få servert kortreist middag og bli kjent med staden, fjorden og historia. Med oss i følgjet har vi Nils Kvamme som vi i fleire år har samarbeida med om turar i Stølsheimen. Han vil vere kjentmann, vise og fortelje når vi laurdag fer inn til Finnabotn. Her har vi ulike alternative turar både bortover og litt oppover ettersom snøen og vinteren er reist eller ikkje.

Turen er gradert som enkel i vanskegrad.

Tid: Fredag 24. april - søndag 26. april 2026

Oppmøte: Ortnevik kai kl. 17.00 

Område:

Finnafjorden er den minste av fjordarmane av Sognefjorden, men kanskje også den mest spesielle. Der ligg dei veglause gardane Finden og Finnabotnen. Nesten utilgjengeleg ligg fjorden der utan vegsamband med berre eit smalt sund før han vidar seg ut innover mot Finnabotn. Her stuper fjella rett i fjorden. I år 2002 var Finden med i tv-programmet «Der som ingen skulle tru at nokon kunne bu». Garden Finden fekk i 2006 Bygdeutviklingsprisen.

Transport

• Deltakarane har sjølv ansvar for transporten til/frå Ortnevik.
• For dei som ønskjer samkøyring kan de møtast fredag 24. april kl. 15.00 på Ostereidet
• Oppmøte fredag 24. april i Ortnevik seinast kl. 17.00 for å finne parkering, fordele felles gods og sikre at alle er komne til båten går kl. 17.33
• Når båten går frå Ortnevik fredag 24. april kl. 17.33 er neste avgang mandag..
• Avreise frå Finden søndag 26. april med båten som går tilbake til Ortnevik kl. 16.07 (er framme i Ortnevik kl. 16.30).

Overnatting og mat

• Vi har overnatting på Finden hjå Laila og Lars Finden
• Vi får oppredde senger og handdukar
• Lørdag lagar vertskapet middag til oss
• Fredag lagar turleiarane middag til oss. Turleiarane tek også med kaffi, kakao og te til alle
• All anna mat og drikke for helga må kvar deltakar ta med seg. 
• Vi har tilgang til kjøleskap og kjøkken til matlaging og kaffilaging.

Pris: 

kr 2300,- for medlemar i DNT og kr 2700,- for ikkje-medlemar. Du kan støtte Turlaget ved å melde deg inn her.

Deltakaravgifta dekkjer:

• To overnattingar på Finden, sengeklede og handdukar
• Felles middag fredag (av turleiarane) og laurdag kveld (av vertskapet på Finden)
• Varm drikke (kaffe, te, kakao)
• Privat båtskyss mellom Finden og Finnabotn på laurdag
• Kjentmann og formidling om liv og lagnad i Finnafjorden
• Turleiing og organisering av turen

Deltakaravgifta dekkjer ikkje:

• Reise til/frå Finden dvs. bil til/frå Ortnevik og rutebåt til/frå Finden
• Mat og drikke utover felles middag og varm drikke som nemnd over

Utstyrsliste

• April kan by på ymse ver, sjølvom me satsar på at våren bryt fram på sitt beste med lysare og varmare tider og grøden skyt knopp. Følg med på vermeldingane dagane før turen startar.
• Ta med varme klede for å vere ute, tursko, regnklede, solbriller. 
• Lett sekk med sitteunderlag, termos og niste til turen i Finnabotn. 
• Har du ein fjellduk eller anna til å bre over deg dersom vi vert sitjande ute i Finnabotn eller på Finden om det byr seg høve til det.

Turleiarar: Jane Britt Daae og Kjell Ove Thorseth

Turleiarane vil kontakte alle påmelde ca. ei veke før turen med informasjon og påminningar.

Avmelding

Avmelding t.o.m 1. april gjev 100% refusjon av deltakaravgifta med frådrag av eit bankgebyr. Ved avmelding frå  2. april t.o.m 15. april refunderast 50 % av deltakaravgifta med fraårag av et bankgebyr. Ved avmelding seinere (det vil seie frå og med 16. april) , eller dersom den påmeldte ikkje møter ved avreise, blir deltakaravgifta ikkje refundert. Deltakar må sjølv sørge for avbestillingsforsikring, gjennom reiseforsikring eller kortselskap. Denne gjeld ved sjukdom eller andre årsaker som hindrar deltaking.  Avmelding skal meldast til e-post nordhordland.turlag@dnt.no

Vi tek attarhald om endringar i opplegget grunna ver- og føreforhold.  

Nyttige lenker:

Finden og Finnafjorden

Der ingen skulle tru 1: Finden i Sogn

Der ingen skulle tru 2: Tilbake til Finden

Synnøve Finden

Finnafjorden og Finnabotn

Bilder: Finden (av Kjell Ove Thorseth), Finden og Finnafjorden (av Nils Kvamme), Finden (av Nils Kvamme), Nils Kvamme over Finnabotn (av Arild Skogseth), Finnabotn (av Svein-Even Grindheim)