17. mai- tur til Kalvdalshytta

Feir 17. mai på tur til Kalvedalen turisthytte!

Nordhordland Turlag inviterar deg med på ein nydeleg tur med høgfjell, stølsområde og utsikt på sjølvaste 17. mai. 

Vi lovar ein innhaldsrik tur med spennande kulturhistorie, kulturminne og kulturlandskap. Turen vil også vise særprega natur med dramatiske elvar, karrige fjell og mjuke skoglandskap. Ei nydeleg ramme for å feire nasjonaldagen.

Oppmøtestad: Stor – Urdal, Parkeringsplassen Stor-Urdal, Osterfjordvegen 

Oppmøtetidspunkt: 17. mai kl. 09:30.  

Når vi har parkert bilen og er klare går felles minibuss kl. 09.45 frå  Stor-Urdal til Kvingo, Vågsbotnen.  Køyreturen er 20 km og tek kring 25 minutt. Då startar fotturen. 

Turomtale:  

Laurdag 17. mai: Kvingo - Kalvedalshytta, ca. 10 km 

Turen startar ved parkeringsplassen ved Kvingo og opp det spekatulære Gjelet. Etter kvart som vi klyver opp Gjelet blir utsynet over Sørkvingevatnet flottare og flottare. Snart kan vi skimte Blådalsvatnet, og vidare å går vi via Nordkvingesetrane. Herfrå går 17-mai «toget» over Storevasseggane og ned til Storavatnet og til Kalvedalen. I Kalvedalsområdet har det vore stølsdrift heilt tilbake til 1700-talet og på turen vil de få både stølshistorie og sjå gamle stølstun. 

Når vi er framme på hytta lagar vi festmåltid med tradisjonsrik mat som blant anna inkluderer rømmegraut og spekemat. Vi har ein flott 17. mai feiring i Kalvedalen. 

Søndag 18. mai: Kalvedalshytta – Stor-Urdal, ca. 12 km 

Etter ein god frukost med nysteikte rundstykke ryddar vi og vaskar ut etter oss før ein ny dag i fjellet ventar på oss.  

I dag skal vi ende opp ved E39, Stor-Urdal. Vi startar med å gå på tilbake på T-stien til sørenden av Storevatnet (Orfallet). Her tek vi av stien og går til Flatafjellet og videre til Fjelde gard, ei perle i Alver. Garden er eit nedlagt fjellsamfunn. Etter at vi har tatt ein rast på Fjelde gard går turen til Store-Aurdalssætra før vi til slutt endar opp ved fjorden ved Stor-Urdal. På Fjelde gard møter Ivar Eidsheim oss (medforfatter i boka om Fjelde). Han vil fortelje og syne oss rundt ute og inne.

Turen er krevjande i kupert terreng. Vi brukar om lag 5-6 timar begge dagane, pluss noko tid til pausar. 

PRAKTISK INFO  Gradering av turen: Krevjande.Det er viktig at du setter deg inn i graderingen på turen.Les mer om gradering av DNT-turer her.

Krav til deltakar: Du skal lese turomtalen og informasjon her nøye og vere førebudd i samsvar med det. Setje deg inn i generelle vilkår for fellesturar -lese her i lenka. 

På denne turen må deltakar kunne bære ein sekk på mellom 8 - 10 kg under ferdsel i parti med kupert og bratt terreng, motbakkar/ stigning/ og nedstigningar i to dagar etter kvarandre. Knær må tåle oppover og nedoverbakker i ulendt og kupert terreng.Du må ha plass i sekken til fellesmat og anna godsaker som vi tar med.  

Utstyr: Du skal på tur i høgfjellet og på Vestlandet. Du må ha på/ med: vindtette og vasstette yttertøy, varmeisolerende mellomlag og ull innerst. Hue og votter må med i sekken. Sjekk værmeldinga før du pakker sekken og kler deg Det kan bli fint vær også. Husk flagg, solbriller og solkrem. Her er nyttig pakkeliste for sommerturer. 

Reisedetaljer og transport: 

Oppmøtested: Stor – Urdal, parkeringsplassen Stor-Urdal, Osterfjordvegen 

Oppmøtetidspunkt: 17. mai kl. 09:30.  

Når vi har parkert bilen og er klare går felles minibuss/drosje kl. 09.45 frå  Stor-Urdal til Kvingo, Vågsbotnen. Køyreturen er 20 km og tek kring 25 minutt. Då startar fotturen. 

Eventuelt offentleg transport: Det går buss (VY420 frå Bergen– Ålesund) kl. 08.00 som du kan ta til Vike Camping. Du må tinge billett på bussen på førehand. Ved påmelding på turen ber vi deg gi opp om du tar buss til Vike Camping slik at vi kan plukke deg opp der. 

Sjå rutetider og andre offentlege rutetilbod på entur.no. Nordhordland Turlag er ikkje ansvarleg for om det blir endringar/feil på rutetidene. Deltaker er sjølv ansvarlege for å undersøke om rutetida er rett før påmelding av turen. 

Heimreise: Det går buss frå Urdal 18:42 til Bergen med busskifte i Knarvik. Sjekk rutetider på entur.no  

Overnatting: Deltakerne delar rom. Ta med eigen lakenpose.  Hytte: Kalvedalen turisthytte.  

Mat: Turleiarane organiserer felles måltidet med rømmegraut, spekemat, middag, kake m.m for festmåltidet 17. mai, dette er inkludert i påmeldingsavgifta. Vi lager måltid basert på ingrediensar frå proviantlageret på hytta og det vi har med sekken. Ta med niste, snacks og drikke/ det du ynskjer utover dette. Gi beskjed om matallergier ved påmelding.

Prisen inkluderer: Kost, festmåltid og losji på hytta, turleiing, sikkerhetsutstyr, leigd transport 

Bli medlem få rabatt –les mer om medlemskap og meld deg inn.

Turleiing: Turen vert leia av turleiarar som har solid turerfaring og har gjennomført DNT-turleiarkurs. Turleiarane i DNT får ikkje løn for turar dei leiar, men gjennomfører sine oppdrag som frivillig arbeid. Påmeldingsavgifta dekker turleiar sine kostnader ved oppdraget t.d. transport, mat og overnatting, og kompetanseheving som skredkurs, turleiarkurs og førstehjelpskurs. Turane vert til på grunn av frivillige si glede med å ferdast i naturen og vilje til å gje andre gode naturopplevingar. 

Turleiarar på turen er Åse Øverstrand og Jane Britt Daae.

Sikkerheit: Vi har risikovurdert turane og aktivitetane og jobbar kontinuerleg med å redusere risikoen for alvorlege skader og ulykker på våre turar. Likevel vil det alltid være ein risiko ved å ferdes i vår natur. Deltakarane må lese all informasjon nøye: Turomtalen her, informasjon i lenker til turdeltakarane og generelle vilkår og vurdere tur etter evne