Festivaltur i Jølster med konsert - Eggja under Grovabreen.

Eggja under Grovabreen - festivaltur med konsert i Jølster. 

Årets samarbeidstur mellom Førdefestivalen, som feirar 35-års jubileum dette året, og Indre Sunnfjord turlag går i vakre Jølster! Turstart er i Dvergsdalsdalen (v/toppturparkeringa). Vi går grusvegen inn til Dvergsdalsdalsstøylen. Derifrå går vi over på god sti opp Fagredalen og opp på Støylsnova (ca 900 moh). Etter ein pause der, held vi fram turen ned til Langevatnet og opp på Snøfjellet (992 moh). Derifrå går turen nedover til Djupeskaret, så opp over Nuken og ned til Hamnanova (ca 700 moh). Der møter vi festivalmusikar Martin Steinum Brun (Introfolk-vinnar/årets unge folkemusikar i 2024) som gir oss ein fin konsert før vi tek turen nedatt til parkeringsplassen. Vi reknar med at turen, inkludert pausar og konsert tek 5-6 timar. Køyretid kjem i tillegg. 

Terrenget er lettgått, med nokre myrparti. Vi vurderer turen som middels tung. Flott utsikt mot breen, Kjøsnesfjorden og elles over store deler av Jølster når vi er oppe på høgdene. 

Turleiar er Knut Børge Skurtveit. Han er lommekjend i området, og har mykje informasjon å dele med turdeltakarane om naturen og turmoglegheitene i området. 

Samordna avreise frå Festplassen v/Laksen kl 10.00. Avgang frå parkeringsplassen ca kl 11.00. 

Passasjerane betalar kr 75 for skyss direkte til sjåfør.