Fottur til Husnipa 1135 moh

Turen startar ved parkeringsplassen ved Helgheim kyrkje, med oppmøte kl. 10.00. Herfrå følgjer vi den tydelege stølsvegen opp mot Husstøylen, som ligg på om lag 560 moh. Vegen stig jamt og byr på fin oppvarming før du tek til på den meir krevjande delen av turen.

Frå Husstøylen held du fram på sti som går på venstre side av stølselva. Her blir terrenget brattare, men stien er god og følgjer elva i jamn stigning oppover til husnipa 1135 moh. 

Returen går same veg ned att, eller vi kan ta ein alternativ variant via Helgheimstølen dersom gruppa ønskjer det.

Fakta om turen:

• Total stigning: ca. 950 høgdemeter

• Tidsbruk: 5–6 timar, avhengig av val av returveg

• Vanskegrad: Krevjande – jamn stigning heile vegen, men god sti og høveleg gruppetempo.