Fottur til Søgnesandsnipa 1548 moh

Fottur til Søgnesandsnipa via Lundeskaret

Bli med oss på ein spektakulær fjelltur i Sunnfjord-landskapet! Vi går frå Lundebotn opp Lundeskaret og vidare til Søgnesandsnipa, 1548 moh.  Dette er ein krevjande dagstur med høg stigning, men belønninga er stor - ein har storslagen utsikt!

Ruta tur/retur er godt skildra på UT.no:👉 https://ut.no/turforslag/1113182/lundeskaret-og-tuva. 

Oppmøte: Samkøyring frå Festplassen i Førde kl 08.30. Eller du kan møte rett ved parkeringa ved Lundebotn kl.09.30 (rett før tunnelen).

Lengde: Ca. 16 km t/r.

Tid: Set av heile dagen (8 -10 timar).

Nivå: Krevjande.

Vi går turen kun ved godt vêr.

Hugs å ta med: Gode fjellsko og klede etter vêrforholda, sitteunderlag, rikeleg med mat og drikk, ekstra klede til pausar og eventuelt vêrskifte. 

Påmeldingsfrist: Ønskjer påmelding, meld deg på via påmeldingsknappen. Oppgi kor du ønskjer å møte. 

Turleiarar: Lise Mari Haugen og Merete Helgheim (tlf 99 45 79 50). 

Praktisk informasjon (gjeld alle turar)

• Turane vert gjennomførte som frivillig dugnad. Turleiarane har god kompetanse, men alle deltakarar har ansvar for seg sjølv og eige utstyr. IST følgjer DNT sine generelle vilkår for deltaking på fellesturar.
• Samkøyring vert avtalt der det er aktuelt. Passasjerar betaler vanlegvis kr 50 per person for turar inntil 40 km kvar veg. For lengre turar tilrår vi 3,5 kr/km delt på tal passasjerar. Eventuelle bompengar og parkeringsavgifter vert fordelte.
• DNT har ei sett med ulike pakkelister her: https://www.dnt.no/pakkelister/.  
• Som deltakar kan du bli fotografert av turleiarar eller andre deltakarar, og bileta kan bli brukte i IST sine kanalar. Gje beskjed til turleiar om du ikkje ønskjer å bli fotografert.

#helgetur