Kort vårskitur m/bål og fjellski i området Juvikåsen - Saur

Opplev seinvinteren utanfor oppkøyrde skiløyper med innlagt pause med bål.

 Seinvinteren kan by på mange gode opplevingar som det å kunna gå på ski utanfor oppkøyrde løyper, bekkar som begynner å gå opp, fuglar som kjem attende, varme dagar, fine plassar å setja seg ned på.

Denne turen går i området aust for Juvikåsen. Alt etter ver og føre startar vi turen på Juvikåsen eller på Liaåsen. Aktuelle ruter kan vera Hovsjøen, Tansberg, Saur. Endeleg rute blir bestemt i samråd med turdeltakarane ved turstart.

Ta med dette utstyret:

• Fjellski med fellar.
• Kle deg for ein lang dag i fjellet.
• Sitjeunderlag.
• Godt med niste og varm drikke.
• Snøspade dersom du har det.
• Litt tørr ved til bål.

Frammøte på tidlegare Shell på Fagernes. Samkøyring til Melbybråten i Øystre Slidre og vidare på stølsvegen til Juvikåsen eller Liaåsen.  Bom kr. 70.

Turen kan bli utsett eller avlyst alt etter ver- og snøforholda.

Deltakarane går på eige ansvar, men vi turleiarar vil gjera turen så trygg som mogeleg. Dette er ein fellestur med ein turleiar fremst og ein turleiar til slutt.

Påmelding digitalt eller på sms til 48142002.

Kart: Turkart Øystre Slidre Mesterkart  1:50 000