Naturmøteplass i Fosnavåg

Etter å ha gått eit lite stykke kjem ein fram til gapahuken der det er fyr i bålpanna. Her blir ein teke imot av blide og inkluderande vertar som spanderer varm drikke og som slår av ein prat. Kombinasjonen av å komme seg ut i friluft og samstundes møte andre menneske og vere sosial er verdifullt. 

Friluftsrådet dekker utgifter til ved, kaffi, utstyr med meir slik at dette ikkje kostar noko for kommunane, vertane eller dei som kjem innom. Dette er gjennom midlar frå Miljødirektoratet.– Naturmøteplassane er eit godt folkehelsetiltak der ein både kjem seg ut på tur i friluft heile året og samtidig har det sosialt og kjekt saman med andre. At så mange kjem kvar gong, betyr at dei i alle fall kjem seg over dørstokkmila ein dag i veka.Litt av formålet med Naturmøteplassane er trimturen til gapahuken. 

Gapahuken i Fosnavåg ligg i sentrum, så her er oppfordringa å gå heimefrå for den som har høve til det.Frivillege vertar:På Naturmøteplassane er det frivillege enkeltpersonar, samt lag og organisasjonar som byter på å vere vertskap.– Vi har fått med oss fleire eldsjeler som har sagt seg villege til å vere vertskap og som vil byte på oppgåva, men vi håpar endå fleire vil melde seg til å vere vertar etter kvart. 

Om nokon er interessert er det berre å ta kontakt med frivillegsentralen. Vi ynskjer alle hjerteleg velkomne!