Open dag med diskgolf og samankomst i gapahuken

Me har dei siste åra vidareutvikla nærmiljøanlegget og har fått opparbeidd sykkel/skikross-løype i skogen rundt anlegget.

For å få endå meir aktivitet her har me sett på moglegheitane for å setje i stand eit enkelt diskgolfanlegg i skogen rundt denne løypa.
Det har me kome ganske langt med og korger og diskar er allereie handla inn etter at me fekk tildelt støtte for Hardangerstiftinga til dette.

Bana skal me få endeleg ferdigstilt til neste år, men allereie no set me opp nokre av korgene og inviterer til sosialt samvære. Oppmøte vert ved gapahuken ved hoppbakkane.

I år er det friluftslivets år og me har fått litt midlar til å handle inn mat for anledninga, så lunsjen kan de ta hjå oss denne dagen.