Raundalselva - badekulpar og geologiske fenomen

Opplev Raundalselva, blå og grøn, svalt og stille, brusande og vill. Voss Utferdslag inviterer til vandring frå Reimegrend til Voll der me får sjå den fantastiske elva, høyra om geologien i området, og dei prosessane som har skapa, og endå skapar, landskapet. På turen vil me også få forteljinga om vassdragsvernet og det vert høve for å stupa uti nokre av dei bortgøymde badekulpane for kjenna det svale og reine vatnet på kroppen.

Geograf og førsteamenuensis, Pål Ringkjøb Nielsen, rettleiar turen saman med naturvernansvarleg i Bergen og Hordaland Turlag, Dag Sandvik.

Me møtes på torget på Voss kl 17.00. Det vert organisert transport derfrå og opp i dalen.