Seniortur - Skjeldåstrædet ved Tyssedal

Det er frammøte kl. 09.00 på parkeringsplassen ovanfor kaien i Rosendal.
Etter ei kort orientering om turen og oppfylling av bilane i Rosendal, køyrer vi innover fjorden til Odda og utover Sørfjorden på austsida til Skjeldvik/Nedre Skjeldås, ca. 4 km forbi Tyssedal.

Fotturen opp lia til Skjeldåstrædet, ca. 350 moh., på austsida av Sørfjorden, går på gamal traktorveg gjennom tunet på den interessante høgdegarden Skjeldås, ca. 170 moh. om lag midtveges til turmålet. 
Framme ved Skjeldåstrædet tek vi matpause før retur same vegen.

Turområdet ligg i ei bratt li i av hjartet av Hardanger med storfelt utsyn over Sørfjorden mot Folgefonna og bygdene på vestsida av fjorden. Stø grunn tillét bruk av joggesko viss det er tørt i graset. Sjølv om det er bratt, er det nokså lettgått veg likevel, delvis tilvaksen av gras i øvste delen. Dette er ein tur der vandrestavar er veleigna.

VEL MØTT, turen er open for alle, her er det ingen som spør om alder...  

OBS: Ved fullført påmelding får du stadfesta deltakinga di pr SMS og e-post. Dersom du ikkje får slik stadfesting, må du prøva påmelding på nytt. 
Ta kontakt med ein av turleiarane dersom du har problem med påmeldinga.

• Frammøte:   Kl. 09.00 på parkeringsplassen ovanfor kaien i Rosendal
• Turkarakter: MIDDELS 
• Turavgift:      Ingen, men deltakarane må sjølve dekka transporten til/frå startpunktet for vandringa.
• Turleiarar:    Hermund Fenne (917 03488), Helen Sandvik Røssland (993 59929) og Jan Martin Skaaluren (917 26614)
• Vandringa:
  • * Distanse:            4 km tur/retur 
  • * Høgdeskilnad:  335 meter
  • * Tidsbruk:            Ca. 3 timar, pausar kjem i tillegg