Topptur til Snønipa 1827 moh via Haugabreen

Snønipa 1827 moh er omkransa av bre og er den høgste toppen i Sunnfjord. Frå toppen har du utsikt ut i havet mot vest, og mot Hurrungane og Lodalskåpa i aust. Turen er skildra i boka toppturar i Sunnfjord s.151.

Oppmøte: samkøyring med avreise frå Festplassen i Førde kl.08.00. Ved Høyset kl.09.00. Tal bilar som køyrer opp til Haugastølen skal avgrensast.  

Turen tek 8- 10 timar, 1500 høgdemeter stigning. Turen starter frå Haugastøylen, opp vestsida av elva nordover mot Haugabreen. Opp brefallet og passering av fjellhamrane på venstre side. Når vi er komen opp det brattaste brefallet ser vi toppen mot nordvest. 

Krav til deltakarar: God fysisk form og godt vand med toppturar. Krav til skredutstyr og evne til å nytte det om uhellet er ute.

Ta med rikeleg med mat og drikke, sjå DNT si pakkeliste for topptur

Turleiar: Kjell Kleiven, Per Tore Meier

Praktisk informasjon (gjeld alle turar)

• Turane vert gjennomførte som frivillig dugnad. Turleiarane har god kompetanse, men alle deltakarar har ansvar for seg sjølv og eige utstyr. IST følgjer DNT sine generelle vilkår for deltaking på fellesturar.
• Samkøyring vert avtalt der det er aktuelt. Passasjerar betaler vanlegvis kr 50 per person for turar inntil 40 km kvar veg. For lengre turar tilrår vi 3,5 kr/km delt på tal passasjerar. Eventuelle bompengar og parkeringsavgifter vert fordelte.
• Som deltakar kan du bli fotografert av turleiarar eller andre deltakarar, og bileta kan bli brukte i IST sine kanalar. Gje beskjed til turleiar om du ikkje ønskjer å bli fotografert.

#helgetur