Toppturhelg på Breidablik

Breidablik i Kvammafjella er omkransa av flotte moglegheiter for enkle toppturar, og me skal besøkje fleire av toppane i området. Det er valmoglegheiter i alle himmelretningar, så her finn me alltid god snø. Kanskje får me nydeleg utsikt om me er heldige med vêret! 

Turbeskrivelse: 

Lørdag: planlagt trasé, som kan bli endra:

Turen startar i Fitjadalen i Øystese og me møtes klokka 09.00 for å få mest mogeleg ut av dagen. Her satsar me på å koma oss opp til Manfjell før me riv av fellene og sklir ned til Håstabbtjørn. Her må me på att med fellene for trasking bort til Breidablik. Me innlosjerer oss og begynner på felles middag. 

Me kosar oss på tur i 6-8 timar denne dagen. Me prøver å bruke mest mogeleg tid ute, og satsar på å vera ved Breidablik i rundt 17-tida viss vêr og føre tillet det.

Søndag: planlagt trasé, som kan bli endra:

Me tek oss tid til ein lang og god frukost før me pakkar og vaskar ut hytta. Spelar vêr og føre på lag så satsar me på å koma oss opp til Skrott og tek oss ned sommartraséen til Fitjadalen. Me nyttar dagen ute, og vil vera i Fitjadalen omlag kl. 16.00.

Gradering: Krevande
Gradering på turer og aktiviteter med DNT - DNT 

Fysisk vanskelighet: Lørdag går me ca. 10km og 1000 høgdemeter. Me kosar oss på tur i 6-8 timar denne dagen. 

Teknisk vanskelighet: Kast 1 og 2. Mesteparten av turen går i mindre enn 30 grader, men små heng på 35-40 grader vil førekome og du må kunne stå greit på ski ned disse. KAST - Klassifisering av snøskredterreng

Kompetansekrav til deltakarar: Gode skieigenskapar på varierande og utfordrande føre, erfaring frå toppturar med 10-15kg på ryggen. Kjennskap til bruk av sendar/mottakar, spade og søkestang i tillegg til kameratredningskunnskap.

Utstyr: Randonee - eller telemarkski. Det må vere mogeleg å feste skia på sekken, og ta gjerne med ei skistroppe. Hugs sendar/mottakar, spade og søkestang. Dersom du ikkje har skredutstyr er det mogeleg å låne det av turlaget. Sjå DNT si pakkeliste vintertur

Kart: Norgeskart Voss 10038 eller Voss-Bergsdalen 3007
Kart og turutstyr kan kjøpast i Tursenteret i Marken. Rabatt til DNT-medlemmer. Bli DNT-medlem her.

Mat: Felles middag lørdag kveld. Turleiarane kjøper inn middag/ekstra ingrediensar utover det som er på hytta til middag lørdag. Turdeltakarane må vere med å bere dette, og ha plass i sekken. Nistepakke og snacks til lørdag må deltakarane ha med sjølve. Tilsvarande gjeld for søndag, men ein kan nytte seg av matlageret på Breidablik om ein ynskjer det. Ingredienser til frukost og matpakke søndag er inkludert i prisen, om ein ynskjer noko anna enn det som er på matlageret så må ein ta med og dekke dette sjølv (f.eks er det ikkje brødmat på hytta). Snacks til søndag må ein anten ta med sjølv eller kjøpe på hytta (f.eks kjeks).

Gi beskjed om eventuelle allergiar ved påmelding

Overnatting: Breidablik Turisthytte. Me søv i flersengsrom. Ta med lakenpose/ silkesengetøy. 

Reisedetaljer og transport: 
Avreise: Samkjøring med privatbilar frå Bergen, organisert av turleiarane. Gi beskjed ved påmelding om du kjører, kvar du kjører frå og kor mange passasjerer du har plass til. Avreise frå Bergen ca 7.30.
Heimreise: Avreise etter skidag på søndagen, ca. kl. 16.00 med ankomst Bergen i 19-tida. 

Fordeling av kostnader ved samkjøring: Ved samkjøring betaler kvar av deltakarane sjåføren i henhold til følgande regnestykke: antall km x 4 kr + eventuelle bompengar og andre utgifter, fordelt på totalt antall personar i bilen.

Pris inkluderer: Turleiing, overnatting i hytte, felles middag lørdag, uttak frå proviantlager til frukost og matpakke. 
Ikkje inkludert: Deltakar dekkar øvrig mat (eks. tar med eige brød og snacks), og betaler sjølv for transport.
Medlemsrabatt for DNT-medlemmer. 

Turleiing: Turen vert leia av turleiarar som har solid turerfaring og har gjennomført DNT turleiarkurs. Turleiarane i DNT mottek ikkje lønn for turer dei leier, men gjennomfører sine oppdrag som frivillige. Turavgifta dekkar turleiar sine kostnader ved oppdraget som transport, mat og overnatting, i tillegg til viktig kompetanseheving som skredkurs, turleiarkurs og fyrstehjelpskurs. Turane er utført på grunnlag av gleda ved å ferdast i naturen og av å ta med andre på sine opplevingar.

Sikkerhet: Me har risikovurdert alle våre turar og aktivitetar og jobbar kontinuerleg med å redusere risikoen for alvorlege skadar og ulykker på våre turar. Likevel vil det alltid være ein risiko for skade ved å ferdast i vår natur. Deltakarane må lese all informasjon nøye: turbeskriving, viktig informasjon til deltakere og generelle vilkår, og vurdere tur etter evne.

Turleiarane tek kontakt med alle deltakarane seinast 4-7 dagar før turstart

Turleiarar: Bjørg-Marit Valland og Svein Rune Rykkje