Sundagstur: Myrkdalen - Svolefjell - Vinje

Turen er flytta frå 19.01 til 23.03. Me håpar på betre forhold då. Det er endå ledige plasser så meld deg på!

Turen går frå A til B og ein kan venta seg fantastisk utsikt og fin nedskriing. 

Gradering / vanskelegheitsgrad:
Krevjande/raud: 700 høgdemeter, 14 km og om lag seks timar. 

Turomtale:
Me går frå parkeringsplassen ved Årmotslia Skisenter,  kryssar skibru og lysløype og held fram oppover mot Revhaugen. Vidare mot Tjørnarhovden før me kryssar myra og fortsett oppover mot Gråsteinane. Her er det flott utsikt over Myrkdalen, skianlegget og innover mot Vikafjellet. Når me kjem over kanten skal me litt nedatt mot Stora Vasstjørni før me skråar oppover mot Svolefjellet. Svolefjellet ligg ope til og har ei fantastisk utsikt for sine beskjedne 1094 m.o.h. Så ventar ei lang nedskriing via Store Vasstjørni, Øyasetdalen og til stølen Øyaset.  Herifrå er det skriing på stølsveg til Vinje der me vert henta av minibuss ved Sambygg. 

Krav til deltakarar:
God fysisk form. Van med lengre fjellskiturar i krevjande terreng utanfor løype. 

Utstyr:
Fjellski med feller evt. randoski med feller.
I tillegg sjå DNT si dagstur pakkeliste for vinter.

Frammøte:
Holbergplass kl 09.00. 

Transport:  
Buss tur/retur

Dyr:
Når ein nyttar buss er hund/kjæledyr ikkje lov grunna omsyn til allergi. Deltakar kan delta om han/ho køyrer sjølve

Turleiing:
Turen blir leia av turleiarar. Turleiarane er ikkje profesjonelle, noko som betyr at turane vert gjennomført som frivillig dugnad og ikkje som kommersiell guiding. Turane vert gjennomført på grunnlag av gleda ved å ferdast i naturen, samt å ta med andre på gode opplevingar ute.  

Pris:
Medlem 300 kr. inkluderer buss og administrasjonsavgift (75 kroner)
Ikkje- medlem 575 kr. inkluderer buss og adminstrasjonsavgift (150 kr)

Merknad: 
Ved dårleg vêr kan turen endrast.

Turleiarar:
Gunn Hommedal Kvitne, gunn@vorek.no, tlf. 99604506 og Øystein Røen oysteinroen@gmail.com.

Foto:
Gunn H Kvitne

#sundagstur